नवी दिल्ली | प्रतिनिधी दि. 5 फेब्रुवारी 2026
EPFO PF Latest Update : कर्मचाऱ्यांच्या भविष्य निर्वाह निधीबाबत (PF) अनेक कर्मचाऱ्यांच्या मनात कायमच एक प्रश्न असतो — संपूर्ण पीएफ रक्कम कधी काढता येते? याबाबत कर्मचारी भविष्य निर्वाह निधी संघटना (EPFO) ने स्पष्ट नियम ठरवले असून, त्यानुसार गरज पडल्यास पीएफमधील रक्कम काढण्याची मुभा देण्यात आली आहे.
दोन महिने बेरोजगार असल्यास पूर्ण PF
एखाद्या कर्मचाऱ्याने नोकरी सोडली आणि तो सलग दोन महिने बेरोजगार राहिला, तर तो संपूर्ण पीएफ रक्कम काढू शकतो. मात्र, नोकरी बदलत असताना पीएफ काढण्याऐवजी जुने खाते नवीन नोकरीशी जोडणे अधिक फायदेशीर ठरते, असे EPFO कडून स्पष्ट करण्यात आले आहे.
निवृत्तीनंतर कोणतीही अडचण नाही
कर्मचारी ५८ वर्षे पूर्ण झाल्यानंतर निवृत्त झाल्यास, त्याला कोणतीही अडचण न येता संपूर्ण पीएफ रक्कम काढता येते. तसेच निवृत्ती जवळ आली असल्यास, ५४ वर्षांनंतर आंशिक पीएफ काढण्याची परवानगी दिली जाते.
अपंगत्व किंवा मृत्यू झाल्यास थेट लाभ. EPFO PF Latest Update
कर्मचाऱ्याला कायमस्वरूपी अपंगत्व आल्यास किंवा कर्मचाऱ्याचा मृत्यू झाल्यास, संपूर्ण पीएफ रक्कम थेट कर्मचारी किंवा त्याच्या कुटुंबीयांना दिली जाते.
विशेष कारणांसाठी आंशिक PF
EPFO च्या नियमानुसार खालील कारणांसाठी पीएफमधून मर्यादित रक्कम काढता येते —
- गंभीर आजारावरील उपचार
- उच्च शिक्षण
- लग्नाचा खर्च
- घर खरेदी किंवा बांधकाम
मात्र, या कारणांसाठी काही अटी लागू असून, प्रत्येक वेळी पूर्ण रक्कम मिळेलच असे नाही.
पाच वर्षांपूर्वी PF काढल्यास कर
महत्त्वाची बाब म्हणजे, ५ वर्षांपूर्वी पीएफ काढल्यास कर लागू होऊ शकतो. त्यामुळे पीएफ काढण्यापूर्वी नियम समजून घेणे आवश्यक आहे.
EPFO चा सल्ला. EPFO PF Latest Update
EPFO कडून कर्मचाऱ्यांना सल्ला देण्यात आला आहे की, अत्यंत गरज असेल तेव्हाच पीएफ काढावा. शक्य असल्यास ही रक्कम निवृत्तीसाठी साठवून ठेवणेच अधिक सुरक्षित आणि फायदेशीर ठरते.
नमस्कार employeesindia.in हि एक न्युज पोर्टल आहे . या पोर्टल वर तुम्हाला तुमच्या हक्काच्या ताज्या घडामोडी वाचण्यास मिळतील . मला पत्रकारिता क्षेत्रामध्ये 5 वर्षाचा अनुभव आहे त्याचा मी या पोर्टल वर लिखाणासाठी उपयोग करत आहे करत आहे .