State Government Employee News : नमस्कार मित्रानो भ्रष्टाचारावर नियंत्रण मिळवण्यासाठी उत्तर प्रदेशातील योगी आदित्यनाथ सरकारने कठोर निर्णय घेतला आहे. राज्यातील सर्व सरकारी कर्मचाऱ्यांना त्यांची चल व अचल संपत्ती जाहीर करणे बंधनकारक करण्यात आले असून, नियमांचे पालन न करणाऱ्या कर्मचाऱ्यांचा जानेवारी महिन्याचा पगार फेब्रुवारीमध्ये रोखण्यात येणार आहे.
योगी सरकारच्या निर्देशानुसार, सर्व कर्मचाऱ्यांनी मानव संपदा पोर्टलवर आपल्या संपत्तीचा संपूर्ण तपशील अपलोड करणे आवश्यक होते. यासंदर्भात मुख्य सचिव एस. पी. गोयल यांनी आदेश जारी केले असून, 31 जानेवारी 2026 ही अंतिम मुदत निश्चित करण्यात आली होती. हा आदेश उत्तर प्रदेश सरकारी कर्मचारी आचरण नियमावली 1956 मधील नियम 24 अंतर्गत देण्यात आला आहे.
हे ही वाचा.
राज्य सरकारी कर्मचाऱ्यांना 3% डीए वाढ, महागाई भत्ता 58% होणार?
68 हजारांहून अधिक कर्मचाऱ्यांनी नियमांचे उल्लंघन
राज्यातील एकूण 8,66,261 सरकारी कर्मचाऱ्यांपैकी 7,98,025 कर्मचाऱ्यांनी वेळेत संपत्ती जाहीर केली आहे. मात्र, 68,236 कर्मचाऱ्यांनी अद्याप संपत्तीचा तपशील सादर केलेला नाही. ही संख्या एकूण कर्मचाऱ्यांच्या सुमारे 8 टक्के आहे.
कोणत्या श्रेणीतील किती कर्मचारी थकित. State Government Employee News
- तिसरी श्रेणी : 34,926 कर्मचारी
- चौथी श्रेणी : 22,624 कर्मचारी
- दुसरी श्रेणी : 7,204 कर्मचारी
- पहिली श्रेणी : 2,628 अधिकारी
- इतर : 854 कर्मचारी
हे ही वाचा
10 वर्ष सेवा पूर्ण केलेल्या कंत्राटी कर्मचाऱ्यांना सेवेत सामावून घेण्याबाबत शासन आदेश जारी.
महत्त्वाच्या विभागांतील कर्मचारी कारवाईच्या यादीत
संपत्ती जाहीर न करणारे कर्मचारी लोक निर्माण, महसूल, शिक्षण, समाज कल्याण, महिला व बाल कल्याण, सहकारिता, उत्पादन शुल्क, अन्न व नागरी पुरवठा, आरोग्य, वैद्यकीय शिक्षण, पशुपालन, उद्यान आणि वाहतूक विभागात कार्यरत आहेत.
हे विभाग जनतेशी थेट संबंधित असल्याने सरकारने विभाग प्रमुख आणि वेतन वितरण अधिकाऱ्यांना अशा कर्मचाऱ्यांचा पगार थांबवण्याचे स्पष्ट निर्देश दिले आहेत.
भ्रष्टाचाराविरोधात शून्य सहनशीलतेचा इशारा. State Government Employee News
योगी सरकारच्या या कारवाईमुळे भ्रष्टाचाराला कोणतीही माफी दिली जाणार नाही, असा स्पष्ट संदेश देण्यात आला आहे. नियमांचे उल्लंघन करणाऱ्या कर्मचाऱ्यांवर भविष्यात आणखी कठोर कारवाई होण्याची शक्यता असून, या निर्णयामुळे राज्यातील प्रशासन अधिक पारदर्शक आणि जबाबदार होणार असल्याचे सांगण्यात येत आहे.
नमस्कार employeesindia.in हि एक न्युज पोर्टल आहे . या पोर्टल वर तुम्हाला तुमच्या हक्काच्या ताज्या घडामोडी वाचण्यास मिळतील . मला पत्रकारिता क्षेत्रामध्ये 5 वर्षाचा अनुभव आहे त्याचा मी या पोर्टल वर लिखाणासाठी उपयोग करत आहे करत आहे .
