सोलापूर : Old Pension Scheme Maharashtra : जुनी पेन्शन योजना लागू करण्याच्या मागणीसाठी राज्यातील शिक्षक आणि शिक्षकेतर कर्मचाऱ्यांचा लढा पुन्हा एकदा तीव्र होण्याची शक्यता आहे. शिक्षक दिनाच्या पार्श्वभूमीवर सोलापुरात शिक्षक आणि शिक्षकेतर कर्मचाऱ्यांनी काळ्या फिती बांधून मूकमोर्चा काढत शासनाचे लक्ष वेधले.
जुनी पेन्शन समन्वय संघाच्या माध्यमातून हा मोर्चा काढण्यात आला. चार हुतात्मा पुतळ्यापासून सुरू झालेला मोर्चा पूनम गेटपर्यंत नेण्यात आला. यावेळी मोठ्या संख्येने शिक्षक आणि शिक्षकेतर कर्मचारी सहभागी झाले होते. हातात विविध मागण्यांचे फलक घेऊन आंदोलकांनी जुनी पेन्शन योजनेची मागणी केली. त्यानंतर जिल्हाधिकारी कार्यालयामार्फत शासनाला निवेदन देण्यात आले.
१ नोव्हेंबर २००५ पूर्वीच्या सेवेला जुनी पेन्शन लागू करण्याची मागणी
१ नोव्हेंबर २००५ पूर्वी नियुक्त झालेल्या अनुदानित आणि विनाअनुदानित शाळांमधील शिक्षक तसेच शिक्षकेतर कर्मचाऱ्यांना जुनी पेन्शन योजना लागू करावी, अशी प्रमुख मागणी संघटनांनी केली आहे.
काही कर्मचाऱ्यांनी सुरुवातीला विनाअनुदानित किंवा अनुदानित तत्त्वावर सेवा बजावली. पुढील काळात संबंधित संस्थांना शासनाच्या धोरणानुसार अनुदान मिळाले. मात्र पेन्शनच्या बाबतीत या कर्मचाऱ्यांना वेगळा निकष लागू केला जात असल्याचा आक्षेप शिक्षक संघटनांनी घेतला आहे.
दीर्घकाळ सेवा केल्यानंतर निवृत्तीनंतर आर्थिक सुरक्षिततेचा प्रश्न निर्माण होऊ नये, यासाठी जुनी पेन्शन योजना लागू करण्याची मागणी सातत्याने करण्यात येत आहे.
२५ सप्टेंबरपर्यंत निर्णय घेण्याची मागणी. Old Pension Scheme Maharashtra
जुनी पेन्शनच्या प्रश्नावर शासनाने आता ठोस निर्णय घ्यावा, अशी मागणी आंदोलकांनी केली आहे. माजी शिक्षक आमदार दत्तात्रय सावंत यांनीही या प्रश्नावर शासनाने सकारात्मक भूमिका घ्यावी, अशी मागणी केली.
शासनाकडून अपेक्षित निर्णय न झाल्यास आंदोलन अधिक तीव्र करण्याचा इशारा शिक्षक संघटनांनी दिला आहे. २५ सप्टेंबरपर्यंत शासनाने निर्णय घ्यावा, अशी मागणी करण्यात आली आहे.
या मुदतीत निर्णय न झाल्यास २८ सप्टेंबरपासून मुंबईतील आझाद मैदानावर बेमुदत धरणे आंदोलन करण्याची भूमिका संघटनांनी घेतली आहे. त्यानंतर २ ऑक्टोबरपासून उपोषण करण्याचा इशाराही देण्यात आला आहे.
त्यामुळे जुनी पेन्शन योजनेचा प्रश्न पुन्हा एकदा राज्यातील शिक्षक आणि शिक्षकेतर कर्मचाऱ्यांसाठी महत्त्वाचा बनला आहे. आता शासन या मागणीवर काय निर्णय घेते आणि पुढील आंदोलनाची दिशा काय असते, याकडे कर्मचारी वर्गाचे लक्ष लागले आहे.
Source- saamtv
लाडकी बहीण योजनेचा ₹1500 हप्ता कोणाला मिळणार? या महिलांचा लाभ थांबू शकतो.
पेंशनधारकांनो लक्ष द्या! आता बँकेत न जाता उघडता येणार खाते, 10 महत्वाचे बदल.
पेंशन धारक आणि कर्मचाऱ्यांना दिलासा मिळणार, महागाई भत्यात इतकी वाढ होणार.
PF खात्यात पैसे जमा होत नसतील तर व्याज मिळणार का? 3 वर्षांचा नियम समजून घ्या. EPFO Rule Update
NPS मधून OPS मध्ये जाण्याची संधी? केंद्रीय कर्मचाऱ्यांसाठी महत्त्वाची मागणी
सोन्याचे दर पुन्हा कडाडले, चांदीही महागली, जळगाव मधील सराफा बाजारातील आजचे दर पहा. Gold Rate Today
नमस्कार employeesindia.in हि एक न्युज पोर्टल आहे . या पोर्टल वर तुम्हाला तुमच्या हक्काच्या ताज्या घडामोडी वाचण्यास मिळतील . मला पत्रकारिता क्षेत्रामध्ये 5 वर्षाचा अनुभव आहे त्याचा मी या पोर्टल वर लिखाणासाठी उपयोग करत आहे करत आहे .
1 thought on “जुनी पेंशनसाठी राज्यातील हे कर्मचारी आक्रमक, 25 सप्टेंबर पर्यंत निर्णय न घेतल्यास आंदोलनाचा इशारा”