TET परीक्षेतील प्रश्न रद्द झाल्याने काठावर पास शिक्षकांना वाढीव गुण; उत्तीर्ण शिक्षकांची टक्केवारी वाढणार. MAHATET Question Cancelled
मुंबई | प्रतिनिधी. 5 फेब्रुवारी 2026
MAHATET Question Cancelled : महाराष्ट्र राज्य परीक्षा परिषदेमार्फत घेण्यात आलेल्या शिक्षक पात्रता परीक्षा (MAHATET) 2025 संदर्भात महत्त्वाची माहिती समोर आली आहे. परीक्षेमधील एक प्रश्न चुकीचा असल्याचे आढळून आल्याने सदर प्रश्न रद्द करण्याबाबत शुद्धीपत्रक (Corrigendum) निर्गमित करण्यात आले आहे. यामुळे अनेक काठावर असलेल्या उमेदवारांना वाढीव गुण मिळणार असून, उत्तीर्ण शिक्षकांची एकूण टक्केवारी वाढण्याची शक्यता आहे.
MAHATET 2025 अंतरिम निकाल जाहीर
दिनांक 23 नोव्हेंबर 2025 रोजी महाराष्ट्र राज्य परीक्षा परिषदेमार्फत शिक्षक पात्रता परीक्षा 2025 घेण्यात आली होती.
या परीक्षेचा पेपर 1 (इयत्ता 1 ते 5) आणि पेपर 2 (इयत्ता 6 ते 8) यांचा अंतरिम निकाल परिषदच्या अधिकृत संकेतस्थळावर रोजी प्रसिद्ध करण्यात आला होता.
हरकती व गुणपडताळणी प्रक्रिया. MAHATET Question Cancelled
अंतरिम निकालानंतर उमेदवारांकडून दि. 16 जानेवारी 2026 ते 21 जानेवारी 2026 या कालावधीत गुणपडताळणी व हरकती मागविण्यात आल्या होत्या. या कालावधीत प्राप्त झालेल्या हरकतींच्या आधारे काही प्रश्नांबाबत तज्ज्ञ व समिक्षकांकडून पुनर्तपासणी करण्यात आली.
पेपर 1 मधील प्रश्न रद्द
तपासणीअंती पेपर 1 (परिसर अभ्यास विषय) मधील खालील प्रश्नांबाबत आक्षेप मान्य करण्यात आले आहेत —
- संच A : प्रश्न क्रमांक 147
- संच B : प्रश्न क्रमांक 142
- संच C : प्रश्न क्रमांक 137
- संच D : प्रश्न क्रमांक 132
तज्ज्ञांच्या अभिप्रायानुसार हा प्रश्न चुकीचा असल्याचे निष्पन्न झाल्याने सदर प्रश्न रद्द करण्याचा निर्णय घेण्यात आला आहे. MAHATET Question Cancelled
काठावरच्या उमेदवारांना दिलासा
प्रश्न रद्द झाल्यामुळे संबंधित सर्व उमेदवारांना नियमानुसार गुण देण्यात येणार आहेत. त्यामुळे अनेक उमेदवार जे अगदी थोड्या गुणांनी अपात्र ठरत होते, ते आता उत्तीर्ण ठरण्याची दाट शक्यता आहे. परिणामी MAHATET 2025 ची एकूण उत्तीर्ण टक्केवारी वाढणार आहे.
सुधारित अंतरिम निकाल जाहीर होणार
सदर निर्णयानुसार लवकरच सुधारित अंतरिम निकाल प्रसिद्ध करण्यात येणार असून, सर्व परीक्षार्थी शिक्षकांनी याची नोंद घ्यावी, असे निर्देश महाराष्ट्र राज्य परीक्षा परिषदेकडून देण्यात आले आहेत.
नमस्कार employeesindia.in हि एक न्युज पोर्टल आहे . या पोर्टल वर तुम्हाला तुमच्या हक्काच्या ताज्या घडामोडी वाचण्यास मिळतील . मला पत्रकारिता क्षेत्रामध्ये 5 वर्षाचा अनुभव आहे त्याचा मी या पोर्टल वर लिखाणासाठी उपयोग करत आहे करत आहे .
